Yn gyffredinol, canfuom fod y Bwrdd Iechyd:

• yn cynnal trefniadau digonol ar gyfer y Bwrdd a'r Pwyllgorau ac mae'n ymgorffori ei strwythur llywodraethu newydd ochr yn ochr â'i ddulliau sicrwydd, ond mae cyfleoedd i asesu effeithiolrwydd y trefniadau hyn.
• wedi mynd drwy gyfnod o drosiant uchel ymhlith ei uwch arweinwyr ar lefel Bwrdd a cheir hefyd nifer o swyddi gwag Aelodau Annibynnol.
• yn meddu ar drefniadau rheoli ariannol effeithiol sy'n ei alluogi i gyflawni ei ddyletswyddau ariannol dros y tair blynedd diwethaf.

Fodd bynnag, mae ei ddiffyg sylfaenol yn peri risg i gynaliadwyedd ariannol wrth symud ymlaen. Mae'r trefniadau ar gyfer datblygu a chyflwyno'r Cynllun Blynyddol yn effeithiol. Er bod y Cynllun Blynyddol yn rhoi eglurder ar amcanion strategol ac wedi hysbysu busnes y Bwrdd a'r Pwyllgorau, prin fu'r trosolwg a'r craffu ar gyflawni'r Cynllun Blynyddol yn gyffredinol ar lefel y Bwrdd.