Mae’r wefan yma mewn cyfnod Beta – helpwch ni i’w wella gyda’ch adborth Rowch adborth
Pwy sy'n ein archwilio ni?
Fel corff cyhoeddus, rydym yn gyfrifol am wario ein harian, ac am weithredu ein busnes, yn ddoeth ac yn ddidwyll.
Rydym yn cymryd y cyfrifoldeb hwn o ddifrif. Er mwyn rhoi sicrwydd i drethdalwyr, rydym yn destun craffu annibynnol mewn nifer o ffyrdd.
Mae ein cyfrifon yn cael eu harchwilio gan gwmni annibynnol a benodir gan Senedd Cymru.
Bob blwyddyn, rydym yn cyflwyno amcangyfrif o incwm a chostau Archwilio Cymru ar gyfer y flwyddyn ariannol nesaf i’w cymeradwyo gan y Senedd Cymru.
Mae'r amcangyfrif diweddaraf o incwm a chostau, ynghyd ag adroddiad blynyddol a chyfrifon yr Archwilydd Cyffredinol, ar gael o dan Ein Cynlluniau a Chyfrifon.