Mae'n arwain y timau 'astudiaethau cenedlaethol' ac 'astudiaethau ymchwiliol'. Mae canlyniadau archwiliad gwerth am arian gan y timau hynny - gan gynnwys gwaith mewn ymateb i bryderon a godwyd gan Aelodau'r Senedd, ASau a'r cyhoedd - yn sail i lawer o waith Pwyllgor Cyfrifon Cyhoeddus a Gweinyddiaeth Gyhoeddus y Senedd (PAPAC).

Graddiodd o Brifysgol Loughborough ym 1988 ac yna astudiodd ar gyfer ei radd meistr mewn Peirianneg Trafnidiaeth ym Mhrifysgol Salford. Ymunodd ag ymgynghoriaeth beirianneg fawr yn y sector preifat lle bu'n gweithio ar astudiaethau dichonoldeb a dylunio ar gyfer prosiectau trafnidiaeth mawr gan gynnwys Metrolink Manceinion, Croesfan Mersi a chyfnewidfa Ewlo yng Ngogledd Cymru. 

Ar ôl cyfnod yng Nghyngor Sir Bedford, ymunodd ag Archwilio Dosbarth ym 1994 yng Nghaerdydd. Mae ganddo hefyd MBA o Brifysgol Bradford.

Graddiodd Ann-Marie yn 1986 â B.A. (Anrh), ac yna symudodd ymlaen at gyfrifyddiaeth, gan ymuno â'r Swyddfa Archwilio Genedlaethol yn yr un flwyddyn fel Archwilydd Cynorthwyol. 

Ar ôl graddio ym 1988 gyda gradd mewn Mathemateg Bur a Chyfrifeg, gweithiodd Kevin fel cyfrifydd dan hyfforddiant i Gyngor Bwrdeistref Metropolitan Sefton am ddwy flynedd cyn symud i Gyngor Sir Clwyd. Tra'n gweithio yno cwblhaodd Kevin ei hyfforddiant gyda'r Sefydliad Siartredig Cyllid Cyhoeddus a Chyfrifyddiaeth (CIPFA) ac ef yw'r unig fyfyriwr, yn hanes y Cyngor, i lwyddo yn ei arholiad CIPFA y tro cyntaf. Mae Kevin yn aelod o gynllun Datblygiad Proffesiynol Parhaus CIPFA ers y cychwyn.