Rydym ni yma i Rhoi sicrwydd, Egluro a Ysbrydoli
Yr Archwilydd Cyffredinol yw archwilydd allanol statudol y rhan fwyaf o sector cyhoeddus Cymru
Gallwn ddarparu arf unigryw i gyrff cyhoeddus eraill i'w helpu i wella
Mae ein cyfrifon yn cael eu harchwilio gan gwmni annibynnol a benodir gan Senedd Cymru
Darganfyddwch fwy am ein tîm Arwain Gweithredol, Cyfarwyddwyr ac Aelodau'r Bwrdd
Mae'r adran hon yn nodi sut y gallwch ofyn am wybodaeth gennym ac yn rhoi rhai dolenni uniongyrchol i wybodaeth sydd o fudd cyhoeddus ehangach
Llywodraethu a goruchwyliaeth yn Archwilio Cymru
Gweler ein hymgynghoriadau presennol a blaenorol
Rydym yn gweithio i sicrhau pobl Cymru bod arian cyhoeddus yn cael ei reoli'n dda a grymuso'r sector cyhoeddus yng Nghymru i wella.
Edrychwch ar ein gwaith o amgylch y pandemig COVID-19
Mae gan y Gwasanaethau Archwilio gyrhaeddiad o dros 800 o gyrff cyhoeddus ledled Cymru sy'n ymdrin ag archwilio ariannol a pherfformiad
Cael mynediad at yr holl adnoddau o'n digwyddiadau dysgu a rennir
Mae cael rhaglen archwilio strategol, deinamig ac o ansawdd uchel yn ffocws allweddol i'n strategaeth
Rydym yn gweithio gydag eraill o bob rhan o'r sector cyhoeddus yng Nghymru a thu hwnt
Mae'r MTG yn paru data ar draws sefydliadau a systemau i helpu cyrff cyhoeddus i nodi twyll a gordaliadau
Gweld ein newyddion diweddaraf, blogiau, digwyddiadau a mwy
Darganfyddwch y newyddion diweddaraf
Mynediad i'n hoffer data a'n ffynonellau data defnyddiol
Gwyliwch ein fideos ar ein sianel YouTube
Mae ein digwyddiadau'n dod ag unigolion o bob rhan o'r sector cyhoeddus yng Nghymru at ei gilydd
Mynediad at yr holl adnoddau o'n digwyddiadau rhannu dysgu
Rydym wedi gosod ReadSpeaker webReader, sy'n caniatáu i ymwelwyr drosi cynnwys ar-lein yn sain ar unwaith ar ein gwefan.
Cliciwch ar yr eicon uchod i roi cynnig arni, a manteisiwch ar yr ystod lawn o nodweddion defnyddiol Darllenyddwe trwy glicio ar y ddolen isod.
Gwefan Readspeaker
Mae'r datganiad hygyrchedd hwn yn berthnasol i www.archwilio.cymru. Mae'r wefan hon yn cael ei rhedeg gan Archwilio Cymru. Rydym am i gynifer o bobl â phosibl allu defnyddio'r wefan hon.
Gweld datganiad hygyrchedd
Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau nad ydynt wedi'u rhestru ar y dudalen hon neu'n credu nad ydym yn bodloni gofynion hygyrchedd, cysylltwch â:
post@archwilio.cymru
Read this blog post in English
Dros y 18 mis diwethaf, rydym wedi gwneud nifer o newidiadau i'n gwefan fel rhan o archwiliad hygyrchedd digidol, a gallaf ddweud nawr bod ein gwefan yn cydymffurfio â Chanllawiau Hygyrchedd Cynnwys ar y We 2.0 AA (WCAG) [agorir mewn ffenest newydd].
Ar ddechrau'r prosiect, rwy'n cofio unwaith imi gyfeirio at fy hun yn y gwaith fel yr hyrwyddwr hygyrchedd – datganiad gyda'm tafod yn fy moch rwyf bellach wedi'i droi yn fathodyn anweledig rwy'n ei wisgo o amgylch y swyddfa!
Mae llawer o wasanaethau bellach ar gael ar-lein ac mae hyn yn dod yn ateb rhagosodedig ar gyfer darparwyr gwasanaeth, yn enwedig yn y sector cyhoeddus gyda thoriadau chyllideb yn annog newidiadau mawr.
Ond, i rai pobl, gall gwasanaethu digidol greu rhwystrau ac mae'n bwysig ystyried anghenion eich defnyddwyr gwasanaethau a mynd i'r afael ag unrhyw broblemau hygyrchedd.
Yn y DU yn unig, mae tua 11 miliwn o bobl wedi cofrestru bod ganddynt nam. Mae tua thraean wedi cael problemau wrth geisio defnyddio gwasanaethau [agorir mewn ffenest] neu gael mynediad iddynt.
Dechreuodd ein taith ar ôl inni gwblhau asesiad o'r effaith ar gydraddoldeb ar gyfer ein gwefan. Mae'n rhywbeth roedd yn rhaid inni ei wneud mewn perthynas ag Adran 29 o Ddeddf Cydraddoldeb 2010 [agorir mewn ffenest newydd].
Gall unrhyw un â mynediad i'r rhyngrwyd ymweld â'n gwefan:
Drwy gyhoeddi ar y rhyngrwyd rydych yn gwahodd pobl i'ch byd. Parchwch hwy pan fyddant yn cyrraedd yno. Sarah Richards, Content Design Centre [agorir mewn ffenest newydd].
Mae ein gwefan yn darparu gwasanaeth gwybodaeth - mae'n storio bron pob un o'n hadroddiadau archwilio a llawer o fathau eraill o gynnwys a gwybodaeth yn ymwneud â'n gwaith, fel newyddion a digwyddiadau.
Dangosodd yr asesiad o'r effaith ar gydraddoldeb a wnaethom fod angen inni sicrhau ein bod yn gwneud mwy i ddileu unrhyw rwystrau posibl i bobl.
Felly beth wnaethom ni?
Y penderfyniad cyntaf a wnaethom oedd gosod BrowseAloud ar ein gwefan. Mae'n darparu llawer o nodweddion cefnogi i amrywiaeth eang o ddefnyddwyr sy'n annhebygol o gael mynediad i'w technoleg gynorthwyol eu hunain. Gallwch ddarllen rhagor am BrowseAloud ar ein datganiad hygyrchedd [agorir mewn ffenest newydd].
Yna gwnaethom benderfynu archwilio ein gwybodaeth (rydym yn dwli ar archwilio, wedi'r cyfan) gan y Ganolfan Hygyrchedd Digidol [agorir mewn ffenest newydd] er mwyn gwirio ein cydymffurfiaeth â WCAG. Un o brif fanteision yr archwiliad oedd ein bod yn gallu treulio'r diwrnod gyda'r tîm profi a leolir gerllaw yng Nghastell-nedd Port Talbot.
Roedd hwn yn brofiad mor werthfawr a gwnaeth ein haddysgu am y rhwystrau sy'n peri rhwystredigaeth i lawer o bobl. Roedd hefyd yn ddefnyddiol cael dealltwriaeth o sut mae rhai o'r technolegau cynorthwyol gwahanol yn gweithio.
Dangosodd ein hadroddiad archwilio ein bod wedi pasio 70% o'r profion. Roeddwn yn teimlo'n eithaf balch bod gennym sgôr weddol uchel ond roeddem yn gwybod y byddai'n cymryd cryn amser i gywiro rhai o'r methiannau.
Gan weithio'n agos gyda'n Datblygwr TG, treuliais yr ychydig fisoedd nesaf yn blaenoriaethu'r atebion a'r newidiadau o ran pa mor hawdd roeddent a pha mor hir y byddent yn cymryd.
Roedd rhai o'r atebion - er enghraifft; newid testun hyperddolen - yn newidiadau syml, ond cymerodd amser hir i'w cwblhau yn sgil y nifer mawr o dudalennau ar y wefan. Tra cymerodd rhai o'r atebion mwyaf cymhleth sawl diwrnod er mwyn ymchwilio i'r broblem, rhoi cynnig ar atebion a'u profi, ond dim ond munudau i'w cymhwyso ar y safle byw!
Gwnaethom gwblhau'r atebion a'r newidiadau yn ystod ac o amgylch ein gwaith arferol ac roeddem ill dau'n dysgu llawer yn y swydd, a ychwanegodd at ein hamserlen ac arweiniodd at ddyddiad cwblhau llawer yn hwyrach na'r hyn roeddem yn ei obeithio.
Ynghyd â gwneud newidiadau i'r wefan, roedd rhaid inni fynd i'r afael â hygyrchedd ein cynnwys cyhoeddedig. Mae'n debygol bod hyn wedi cael yr effaith fwyaf arnom fel sefydliad oherwydd bod y newidiadau rydym wedi gorfod gwneud yn effeithio ar ein prosesau ar gyfer awduro, prawfddarllen, dylunio a chyhoeddi.
I helpu'r holl staff sy'n ymwneud â drafftio cynnwys, cynhyrchais ganllawiau, rhoddais gyngor i gydweithwyr a chyfrannu at hyfforddi a thempledi er mwyn sicrhau ein bod yn gyson. Mae'n sicr yn gromln ddysgu i bawb, ond rwyf wedi cael rhai sylwadau cadarnhaol gan staff sy'n cefnogi'r newidiadau a'n hymrwymiadau i gynhwysiant digidol.
Mae'r canllawiau yn cwmpasu'r pum maes canlynol, sy'n ymwneud â chyhoeddiadau (yn ogystal â chynnwys ar y we):
A ninnau bellach wedi cael ein hachrediad gan DAC, rwy'n gallu myfyrio ar y gwaith rydym wedi'i gwblhau ac yn teimlo'n falch ein bod wedi dod mor bell â hyn heb fawr o wybodaeth a phrofiad ar y dechrau.
Nid yw gwefannau byth yn cael eu gorffen (mewn gwirionedd, rydym yn adolygu ein gwefan yn gyffredinol [agorir mewn ffenest newydd]ar hyn o bryd), ond hyd nes inni chwilio am ailachredu rydym yn gwybod ein bod yn cyrraedd safon a argymhellir ac rydym, o leiaf, wedi cyflawni rhai o'n nodau ar gyfer sicrhau swyddfa archwilio sy'n ddigidol gynhwysol.
Louise Foster-Key yw ein swyddog cyfathrebu digidol ac mae wedi bod yn gweithio yn Swyddfa Archwilio Cymru ers bron i 3 mlynedd. Y tu allan i'r gwaith mae’n amgylchynu ei hun â cherddoriaeth, bwyd a chasgliad sylweddol o trainers.