Mae gan IGDC weledigaeth eglur ar gyfer ei ystâd a chynllun ystadau cryf sy’n ategu ei nodau ehangach. Mae wedi gwneud cynnydd da o ran lleihau ei ystâd a’i defnyddio’n well, gan hefyd ategu anghenion o ran trefniadau gweithio hybrid, cynaliadwyedd a darparu gwasanaethau. Mae trefniadau llywodraethu’n eglur ac yn gymesur â maint y sefydliad, gyda goruchwyliaeth effeithiol gan y Bwrdd, y Pwyllgor Archwilio a Sicrwydd a grwpiau gweithrediadol. Fodd bynnag, byddai o fudd pe bai’r cynllun ystadau’n cynnwys targedau a cherrig milltir mwy eglur ac yn seiliedig ar gynllunio ariannol cryfach.