Mae’r Bwrdd Iechyd yn cymryd camau i gryfhau ei drefniadau llywodraethu ansawdd, ond ceir gwendidau o hyd y mae angen iddo ymdrin â hwy. Mae wedi sefydlu rhannau allweddol o System Rheoli Ansawdd (QMS) ddigidol ac wedi diweddaru nifer o fframweithiau llywodraethu. Ond mae angen i’r Bwrdd Iechyd gytuno ar flaenoriaethau ansawdd eglur, gydag arweinyddiaeth ac atebolrwydd cryf ar draws a thrwy’r sefydliad i gyd er mwyn eu cyflawni.

Mae gwaith cynnar i roi’r Dyletswyddau Ansawdd a Gonestrwydd ar waith wedi dechrau, ond mae bylchau sylweddol yn dal i fodoli o ran arweinyddiaeth ar ansawdd, hyfforddiant staff a phrosesau adrodd. Mae gan y Bwrdd Iechyd system ddysgu newydd, ond nid yw wastad yn dangos bod gwersi’n cael eu dysgu. Mae amseroldeb ymateb i gwynion wedi gwella. Fodd bynnag, mae niferoedd cynyddol y cwynion yn gosod pwysau ar dimau. Mae nifer yr achosion sy’n cael eu hail-agor hefyd yn awgrymu bod angen cryfhau ansawdd ymchwiliadau.