Dechreuodd Catherine ei thymor fel Archwilydd Cyffredinol Cymru ar 21 Gorffennaf 2026.

Mae ganddi dros 30 mlynedd o brofiad mewn amrywiaeth o rolau gwasanaeth cyhoeddus mewn meysydd o'r gofod i gyfiawnder troseddol a gweithrediadau ffiniau gyda ffocws ar arwain cyflenwi rheng flaen, cyfarwyddo newid busnes mawr a rhaglenni technoleg, darparu cyngor polisi ac arwain newid. Mae hi wedi gweithio mewn llywodraeth ganolog, dramor yn y Dwyrain Canol ac Affrica ac mewn llywodraeth ranbarthol. Ar ôl gadael yr uwch wasanaeth sifil daeth i weithio yng Nghymru fel Prif Weithredwr Awdurdod Parc Cenedlaethol Bannau Brycheiniog

Ei gradd gyntaf oedd Saesneg ac mae hefyd ganddi radd Meistr mewn Gwleidyddiaeth Ewropeaidd a diploma ôl-raddedig mewn Cyllid Cyhoeddus ac Arweinyddiaeth. Mae hi'n raddedig o Raglen Arweinyddiaeth Prosiect yr Awdurdod Seilwaith a Phrosiectau; yn gymrawd o'r Gymdeithas Awyrennol Frenhinol ac yn Gyfrifydd Cyllid Cyhoeddus Siartredig ac yn gymrawd o'r Sefydliad Siartredig Cyllid Cyhoeddus a Chyfrifeg.

Mae Catherine hefyd wedi ymgymryd ag ystod o rolau gwirfoddol ac anweithredol gan gynnwys fel cyfarwyddwr anweithredol yn y Satellite Applications Catapult a'r Bartneriaeth Parciau Cenedlaethol, aelod lleyg o'r Cyngor ym Mhrifysgol Caerfaddon ac fel llywodraethwr ysgol.

Archwilydd Cyffredinol Cymru yw archwilydd allanol statudol y rhan fwyaf o sector cyhoeddus Cymru ac mae hefyd yn Brif Weithredwr a Swyddog Cyfrifyddu Swyddfa Archwilio Cymru (er nad yw'n weithiwr).