Rydym yn awyddus i benodi Uwch Gydlynydd Stiwdio i oruchwylio a rheoli gwasanaeth cyhoeddi a dylunio integredig o fewn Archwilio Cymru.

Prif Ddyletswyddau

Gan adrodd i'r Pennaeth Cyfathrebu, bydd yr Uwch Gydlynydd Stiwdio yn helpu i reoli unigolion, y llif gwaith, a darparu gwasanaethau o fewn cyhoeddi a dylunio.

Bydd yn arwain ein tîm o ddylunwyr a chyhoeddwyr, gan ddyrannu gwaith yn unol â hynny; cysylltu â chyfieithwyr allanol a darparwyr print i sicrhau dyfyniadau, comisiynu gwaith, a monitro cynnydd prosiectau; ac yn gweithredu fel pwynt cyswllt yn fewnol ac yn allanol.

Yn ogystal, bydd yn adolygu ac yn monitro systemau i sicrhau arbedion effeithlonrwydd ac yn gwella gwerth am arian ac effaith cyhoeddi a dylunio.

Yr hyn yr ydym yn chwilio amdano

Bydd yr ymgeisydd llwyddiannus yn dangos gwybodaeth gynhwysfawr am sut mae penderfyniadau dylunio yn effeithio ar hygyrchedd, a bydd yn hyrwyddo arfer da o ran adrodd straeon data effeithiol. Bydd yn meddu ar ddealltwriaeth glir o bensaernïaeth brand, ac yn barod i gyfrannu at y gwaith o feithrin diwylliant cadarnhaol Archwilio Cymru yn unol â'n gwerthoedd a'n hymddygiadau.

Sut i wneud cais

Canfuwch fwy am y swydd ar ein tudalen swyddi [agorir mewn ffenestr newydd].

Y dyddiad cau ar gyfer ceisiadau yw 07/09/2020.