Mae’r adroddiad hwn hefyd yn ystyried y materion allweddol sy’n trefnu gweithlu Llywodraeth Cymru ar hyn o bryd, yn ogystal â’i hymateb i bwysau a blaenoriaethau byrdymor, a’i menter dros y tymor hwy i ddatblygu strategaeth a systemau gwybodaeth gwell mewn perthynas â’r gweithlu.

Beth ganfuom ni?

Mae Llywodraeth Cymru wedi wynebu pwysau gweithredol sylweddol o ran y gweithlu ac mae wedi ceisio rheoli niferoedd staff is a chyfyngu ar gostau staffio, gan hefyd barhau â’i rhaglenni polisi ac ymateb i ddigwyddiadau cenedlaethol. Ar rai adegau mae’r pwysau hyn wedi ei gwneud hi’n anodd gwireddu rhai uchelgeisiau polisi.

Mae Llywodraeth Cymru wedi bod yn rheoli’r pwysau hyn heb gynllun strategol ffurfiol ar gyfer y gweithlu. Mae ein hadroddiad yn nodi nifer o argymhellion ar gyfer Llywodraeth Cymru o ran datblygu strategaeth y gweithlu a chryfhau data mewn perthynas â’r gweithlu.