Er bod y Bwrdd Iechyd wedi gallu lleihau ei arosiadau offthalmoleg hiraf, nid yw wedi cyflawni targedau adfer gofal arfaethedig Llywodraeth Cymru. Mae’r perfformiad o’i gymharu â’r ‘mesur gofal llygaid’ yn wael ac, o ganlyniad, mae rhai cleifion yn debygol o brofi niwed y gellir ei osgoi. Yng nghyd-destun yr heriau hyn, mae angen cryfhau’r broses o gynllunio gwasanaethau gofal llygaid yn lleol, ehangu’r cwmpas gweithio rhanbarthol, sicrhau cynnydd ychwanegol o ran cynhyrchiant ac effeithlonrwydd, a chryfhau goruchwyliaeth y bwrdd a’r pwyllgorau o’r gwasanaethau offthalmoleg.