Roedd hyn yn cynnwys pa mor dda mae’r Cyngor yn deall ei heriau, yr hyn y mae’n ei wneud mewn ymateb, a sut mae’n adolygu gwerth am arian ei ddulliau.

Mae gan y Cyngor ddealltwriaeth dda o’i heriau recriwtio a chadw ac mae’n defnyddio amrywiaeth o ddulliau i fynd i’r afael â nhw yn llwyddiannus. Hefyd, ceir defnydd da o ddata a throsolwg gan arweinwyr uwch o gynnydd yn y maes hwn, ond nid yw’r Cyngor bob amser yn asesu gwerth am arian ei ddulliau o recriwtio a chadw.