Fe wnaethom siarad â dau gydweithiwr sy'n gweithio'n agos gyda'n prentisiaid ac yn eu mentora i glywed eu safbwyntiau. Dyma beth oedd ganddyn nhw i'w ddweud.

"Mae prentisiaeth gydag Archwilio Cymru yn gyfle gwych i ennill profiad gwaith ymarferol ochr yn ochr ag astudio ar gyfer cymhwyster cydnabyddedig; mae hyn i gyd wrth ennill cyflog. Mae prentisiaid yn elwa o gymorth cynhwysfawr trwy gydol eu taith, gan gael eu paru â ffrindiau, mentoriaid a rheolwyr llinell sy'n cynnig arweiniad amhrisiadwy ac yn rhannu eu harbenigedd wrth bob cam.

Yn Archwilio Cymru, mae prentisiaid yn cyfrannu'n sylweddol at y sefydliad. "Mae prentisiaid yn dod â syniadau ffres a safbwyntiau amrywiol, gan gyfoethogi ein diwylliant yn y gweithle." Mae eu cyfarwyddrwydd â thechnoleg a'u gallu i addasu'n gyflym i ddatblygiadau newydd yn arbennig o fuddiol wrth i'r dirwedd ddigidol esblygu. Ar ben hynny, mae ein cynlluniau prentisiaethau yn arbennig o werthfawr i bobl ifanc sy'n chwilio am ddewis arall i'r brifysgol, gan eu galluogi i gychwyn ar lwybr gyrfa broffesiynol heb faich dyled myfyrwyr."

Tracey Veale, Rheolwr Archwilio 

"Rwyf wedi bod yn gyfrifol am ategu'r gwaith o gyflwyno'r rhaglenni prentisiaid yn Archwilio Cymru ers 2018. Dros y cyfnod hwnnw, rydym wedi recriwtio dros 36 o brentisiaid AAT. Mae wedi bod yn hynod werthfawr eu gwylio yn symud ymlaen trwy eu teithiau AAT, gyda llawer yn mynd ymlaen i gwblhau eu hyfforddiant cyfrifeg siartredig yn llwyddiannus.

I lawer o brentisiaid, dyma eu profiad cyntaf mewn amgylchedd proffesiynol, a all fod yn heriol ynddo'i hun. Gall cydbwyso swydd amser llawn ag astudio ar gyfer cymhwyster proffesiynol a datblygu sgiliau gweithle newydd deimlo'n frawychus. Ond yr hyn sy'n fy synnu yw’r brwdfrydedd, cadernid a phenderfyniad y mae ein prentisiaid yn eu dangos. "Gall prentis ddod â ffyrdd newydd o feddwl, yn aml yn cynnig cyfleoedd i'r sefydliad ddysgu oddi wrthynt yn gyfnewid." Rwy'n eiriolwr balch dros brentisiaethau a'r cyfleoedd y maent yn eu creu i'r rhai sy'n chwilio am lwybr amgen i'r brifysgol."

Sian Grainger, Cydlynydd yr Hyfforddwyr. 

Byddwn yn postio mwy o straeon ar ein gwefan a'n sianeli cyfryngau cymdeithasol yr wythnos hon – dilynwch ni i ganfod mwy.