Mae’n eglur bod arweinwyr uwch yn Sir Gaerfyrddin yn pwysleisio pwysigrwydd rheoli risgiau corfforaethol. Yn gadarnhaol, mae’r Cyngor wedi adolygu a gwerthuso ei drefniadau yn y blynyddoedd diwethaf. Fodd bynnag, nid yw wedi ymgorffori argymhellion blaenorol yn llawn eto. Mae hyn yn golygu bod ein harchwiliad wedi dod o hyd i feysydd tebyg i’w gwella i’r rhai y tynnwyd sylw atynt mewn adolygiadau blaenorol. Er enghraifft, ceir cwmpas o hyd i gryfhau sut mae’r Cyngor yn nodi’r risgiau mwyaf arwyddocaol i gyflawni ei amcanion strategol.