Mae'r Fenter Twyll Genedlaethol yn ymarfer cydweddu data sy'n helpu cyrff cyhoeddus i ganfod ac atal twyll a gordaliadau o'r pwrs cyhoeddus ledled y DU.
Mae’r Fenter Twyll Genedlaethol yn paru data bob ddwy fflyneddar hyd a lled sefydliadau a systemau i helpu cyrff cyhoeddus i nodi twyll a gordaliadau. Ers iddi ddechrau ym 1996, mae ymarferion y Fenter wedi arwain at ganfod ac atal gwerth mwy na £35.4 miliwn o dwyll a gordaliadau yng Nghymru a £1.69 biliwn ledled y DU.
Menter Twyll Genedlaethol 2016-17
Arweiniodd y Fenter Twyll Genedlaethol 2016-17 at ganfod ac atal gordaliadau gwerth £5.4 miliwn.
Cymrodd 48 o gyrff sector cyhoeddus yng Nghymru ran yn yr ymarfer, gan gynnwys awdurdodau lleol, heddluoedd, awdurdodau tân, cyrff y GIG, Llywodraeth Cymru, Swyddfa Archwilio Cymru a rhai cymdeithasau tai a chyrff a noddir gan Lywodraeth Cymru.
Mae rhaglen y Fenter Twyll Genedlaethol yn llwyddiannus oherwydd ei chyfranogwyr, mae mwy o gyfranogwyr yn golygu bod mwy o ddata ar gael i’w ddadansoddi ar gyfer twyll a gordaliadau. Paratowyd Cod Ymarfer ar Baru Data Archwilydd Cyffredinol Cymru [PDF 466KB Agorir mewn ffenest newydd] i gynorthwyo pawb sy'n cymryd rhan mewn gwaith paru data.
Menter Twyll Genedlaethol 2018-19
Mae data ar gyfer Menter Twyll Genedlaethol 2018-19 i gael ei gyflwyno gan gyfranogwyr ym mis Hydref 2018. Mae'r dogfennau canlynol yn nodi'r amserlenni a'r manylebau data ar gyfer yr ymarfer.
Sut all fy sefydliad i gymryd rhan?
Os oes gennych ddiddordeb neu os ydych am ddarganfod mwy cysylltwch â ni ar menter.twyll@archwilio.cymru.
